August 27, 2026
Пазачарговая перадача «Гаворыць Смаленск» на Радыё «Свабодны Смаленск» была прысвечаная праблемам незалежнасці Беларусі, Украіны і ў будучыні Смаленскай Рэспублікі, а таксама іх узаемасувязі з праблемай дэкаланізацыі народаў Расеі.
Вядоўца перадачы Вадзім Сідараў і галоўны рэдактар радыё Сяргей Фралоў пагаварылі пра тое, што:
Беларусы і смаляне павінны весці наўпросты дыялог з вызвольнымі рухамі народаў цяперашняй Расеі (башкірамі, татарамі, чачэнцамі і г.д.).
Беларуская свабода не зможа існаваць у вакууме і ва ўмовах захавання імперскай Расеі.
У беларускай палітычнай прасторы паступова з'яўляецца гэтае разуменне (свежыя прыклады — публікацыя Паўла Севярынца і інтэрв'ю Паўла Церашковіча).
Адбываецца паступовая нацыяналізацыя беларускіх дэмакратычных сіл.
Дні незалежнасці Украіны 24 жніўня і Беларусі 25 жніўня мелі ў 1991 годзе адзін кантэкст, але цяпер іх кантэкст адрозніваецца.
Беларусь паводле ступені незалежнасці сёння знаходзіцца паміж Украінай і Татарстанам, і што з гэтага вынікае.
Мова з'яўляецца пытаннем ідэнтычнасці і палітычнай бяспекі, і неабходнае вяртанне ўсходнебеларускага моўнага падмурку Смаленшчыны.
Праграмны артыкул «Тысячагадовая смаленская дзяржаўнасць» яго аўтар і вядоўца праграмы напісаў, зразумеўшы гістарычны погляд чэхаў і многіх усходнееўрапейскіх народаў на сваю дзяржаўнасць і прымяніўшы яго да Смаленшчыны.
Расейская мова і "русский мир" звязаныя паміж сабой не заўсёды трывіяльным чынам.
Смаляне павінны перастаць успрымаць сябе як адну з расійскіх абласцей, бо Смаленшчына старэйшая за Расею і Маскоўскае царства.
Незалежная Смаленская Рэспубліка — гэта гарантыя бяспекі свабоднай Беларусі.
Пра ўсё гэта слухайце ў нашай перадачы.
Comments(0)